fíhínt

Frábær helgi.....PUNKTUR!!

tjahá

það er komið að árlega gigginu... Já... Hallelúja-gigginu.

Hallelúja-giggið er semsagt jólatónleikarnir í fíladelfíu (í reykjavík sko), sem eru alltaf sýndir á RÚV á jólunum og verður það tekið upp á þriðjudag, eftir æfingar á mánudaginn

Ég er sko engin jesúkall, eins og þeir sem þekkja mig ættu að vita, EN það er eitthvað voðalega sérstök og svakalega hátiðleg stemmning sem á sér stað á þessu dæmi...

Svo er líka svooooo gaman að vinna með þessu frábæra fólki.. í fyrra voru það m.a. KK. Guðrún Gunnars, Geir Jón (riiiiiiisa stóra löggan), Ellen KK sys, Óskar Einars o.fl. o.fl....

Maður kemst bar alveg í jólaskap við þetta og svo verður maður e-ð svo mjúkur og meir, í öllu þessu gospelli...

....Það er Zillmaster 2000 sem talar frá reykjavík...

from the smokey town

hvernig ætli þetta virki... er að "skrifa" þetta á mac... hmmm... spurning um að fá sér svona apparat... bloggið mitt er verulega flott í svona græju....

allavega.. þetta er reynsla sem ég kem til með að búa að um ókomna tíð, þ.e.a.s. að pikka á US lyklaborð á MAC!!!

þetta er sigurvald helgason, sem talar frá reykjavík

Veðrið

ég hef ekkert að segja, nema að nú er verið að fara að leggja í´ann til Reykjavíkur... o sei sei já..
Tíðkast ekki að setja inn "skeytin" þegar haldið er í reisu?

Strandir og Norðurland vestra:
Veðurhorfur til kl. 18 á morgun: Norðan 8-13 m/s og él, en hægari og úrkomulítið í innsveitum. Frostlaust á annesjum, annars 0 til 5 stiga frost.

Faxaflói:
Veðurhorfur til kl. 18 á morgun: Norðanátt, víða 5-10 m/s og léttskýjað. Norðaustan 8-13 og skýjað með köflum á morgun. Frost 0 til 11 stig, kaldast í uppsveitum, en heldur mildara á morgun.

Höfuðborgarsvæðið
Veðurhorfur til kl. 18 á morgun: Norðan 3-8 m/s í dag, en norðaustan 5-10 í nótt og á morgun. Skýjað með köflum og hiti í kringum frostmark.

Og svo er það færðin, en hér má sjá daggarmark og veghita og svoleiðis athyglisverðar staðreyndir frá Holtavörðuheiði, fyrir ferðafólk á öllum aldri....

....oþaldénúh....

partý partý

jú enn eitt partýi-sukkið framundan.. HóDjó með innflutnings, afmælisx2, trúlofunar og skírnar partý... Eins gott að Gammel danskið verði með.. he he he... annars erum við ALLAR fyllibytturnar, þ.e.a.s. ég, rabbi, gummi og trompónikka búin að ákveða að verða edrú og spila bingó og fara svo í keilu, þegar við erum búin með súkkulaðitertuna og kakóið hjá FýDjó..

góðar stundir

stuhuð..

jamm jamm.. Við Gósi stöndum í ströngu við að stækka "litla trommuleikarann" fyrir jólatónleikana.. spehhennandi
útkoman verður einhvernveginn svona:

8 trommarar
7 gítarleikarar
1 bassaleikari

...einhver verður nú hávaðinn....

kjettir.. kjettir.. eða kettir..

Kötturinn minn hún Merlín er orðin pizzufíkill.. hún er alveg steinhætt að líta við kattamat.. og meira að segja fúlsar hún úrvals línu-ýsu!! Ætli hún fari ekki að stela bjórnum úr ísskápnum næst?

Spurning um að fara í bísníss og framleiða kattamat með skinku,sveppum, lauk og pepperoni ??

jess monní

Hinn eini sanni Nissi Pje er farinn að blogga, og þá meina ég BLOGGA! Drengurinn sá er ekkert að skafa af því og fær hann beztu þakkir fyrir...

Enn vantar mig LOTR 1+2

Leið-----rétting

júbbb... það var heldur betur feilað á dagsetningu á Lord off ðe böss veitiggi hvort það er villivalli eða sn..gunni).. ferðin verður sum-c farin þann tuttugastaogsjöunda des.. og mun u.þ.b. að verða fullbókað í langferðabifreiðina, samkvæmt heimildum emmsí og c/o..

Mig vantar Lord off ðe splíngs eitt og tuvö, helst á dívídí formatti... nú skal reynt að byrja upp á nýtt... (einu sinni var maður...ha... sem fór í bíó... ha.. og hann...ha... sko... bara steinsofnaði... ha... rétt eftir hlé...... þetta var víst á þessarri Lord og ðe plömms... og ég mátti allllls ekki segja frá þessu...)

tsjháts

Kill Bill er snilld.... fullt af flottum "sturtuatriðum" og KFC rúlar sem aldrei fyrr.....

...og spurning daxinns... (fyrir bísu)

hvað er spl@1mtr?

verðlaunin eru ekki af verri endanum.. SMS frá mér að verðmæti kr. 11 (ef ekkert klikkar í þessu andsk.... drasli)

Best að saga af sér löppina... ræ ræ ræ ræ ræ rææ ræææ...

Hafið þið einhvertíman lent í því að senda og senda sms..og verða ferlega fúll yfir því að vera ekki svarað, og fatta ekki að það er engin inneign?... djöss drassl

Nú fer ég að súa Nokia... eða Og Vodafone.. eða bara Kalkþörungaverksmiðjunni...

jamm jamm og sei sei já.

enn og aftur

Nú er það bara söðör... enn og aftur...
Spurning um að fara að krækja sér í flugmannsskírteini!
E.A.S. x2 hjá pabba gamla og bara rólegheit og tiltekt og solleis í vonda veðrinu..

....smá skítkast...

gvööööööð minn góður...

ég er að hlusta á söng(vara)keppni SAMFÉS í úbbartinu... ÞETTA ER ÓTRÚLEGA LÉLEGT!!! ég hef alltaf haldið að æska vor héldi lagi... a.m.k. 75 % af henni... eeeen NEI.. Svo hefur verið settur einhver hundódýr "hljóðmaður" í að mixa þessi ósköp, sem er nú ekki til að bæta þetta... ég segi bara aftur gvöööööð... ég hef ekki heyrt það verra..
Djö... er mikið af hæfileikaríkum krökkum hérna hjá okkur... segi ekki annað...

MC Baker er alltaf með járnin glóandi...

Núhh..

þannig er mál með vexti að nú stendur til að fara í hópferð í hópferðabifreið frá hópferðum villavalla á hópmyndina Lord of ðö hóps.is inn ðe sittí of reigjavýgg, laugardaginn ca. 29. nóv... og svo verður hópast aftur heim með hópferðabifreiðinni hans villa-hópferð-valla aftur heim að kveldi sama dax (eftir át og öl), ef nógu stór hópur myndast...
Það er sko MC Baker and ðö svimmíng mörmeids, sem eru að púsla þessu saman.. Þá er bara að hringja í Þurí eða bara í sundlöjina (hún er víst alltaf þar... þurí sko)....

Það eru samt einhverjir sem fá ekki að fara með.. ni ni ni ni niiii niiiii.. :-)

Takk fyrir og góða nótt...

je...je...je...je

ÉG SÉ!!!!
vó hvað það er góð tilfinning að sjaaaaaaá!
Búinn að vera non-gleraugnaglámur síðan á lau.. (trommarar e-ð að kljást..hehe)..
Svo nú ætti ég að geta farið að heilsa fólki á nýjan leik.. Þetta getur verið helv.. vandræðalegt í kauffélæinu og sparisjóðnum og rúntinum og solleis, fólk heldur að maður sé svo svakalega góður með sig og sjái það ekki (sem er að vissu leyti rétt..).. það væri líka ansi kjánalegt að vinka bara öllum , svona til öryggis... he he..

Best að fara á rúntinn og horfa í kringum sig :-)

:::::tja:::::

Ég komst að því áðan að þýski ofur-geislnasnælduspilarinn í bifreið minni hefur góðan smekk á tónlist... allavega ekki neitt rosalega vondann... a.m.k. snarstoppaði hann og steindrap á sér.. slökkti sko alveg í einu lagi, þegar ég var að fara yfir disk með lögum sem ég þarf að læra fyrir ákveðna uppákomu... þetta var að sjálfsögðu lagið Fingur með Írafá-ri.. Hann sem sagt steinþagði um stund og kveikti síðan á sér aftur alsæll og sprækur og hóf að spila allt annað lag!!!.. Hann sem sagt þolir ekki þetta lag og get ég fullkomlega skilið þessar tiktúrur...

Eins og glöggir og jafnvel fleiri hafa vafalaust tekið eftir hef ég hlotið nýtt nafn hjá b.víðis.lb: "Zirli".. og er ég nokkuð klár á því að þetta þýði í raun "Sir-Li" eða "Sör-Li", þó ekki "Sörli" (þrátt fyrir notkun tanadottkomm á því mæta orði yfir kjöltubumbu) og er ég afar stoltur yfir þessarri nýju nafngift..

Nú...

Mér sýnist það vera farið að sæta tíðindum hjá ákveðnum hópi, ef mér tekst að komast klakklaust úr salernisleiðöngrum... sennilega er þetta bara aldurinn, en ég vil nú samt minna þá sömu á að muuuuuun yngri maður átti í töluverðum erfiðleikum með salernisferðir sínar um nýliðna helgi. t.a.m. mátti þar minnstu muna að "allt klabbið" lenti í klofi unnustu hans, með ófyrirséðum afleiðingum... "klabb" þetta átti upptök sín í iðrum þessa unga manns og fór nirðri leiðina (ef við hugsum okkur þetta séð á korti) og mátti rekja til mikilfenglegs árangurs
á "vissssgídrykkjunámskeiðinu", sem haldið var fyrr þann sama dag.

Svo hef ég heyrt það útundan mér að Kallisigurgeiss/fossvar hafi nýlega gengið frá samningi um útflutning á ýsslenndsguh kvenfólki og fer fyrsti farmur nú á föstudaginn kemur með Goðafossi til Frakklands...

tjútjú.....

meira skemmtilegt.....

hófý annann, eða bara fý kona djó(from ðe hendsomm femillý).... er líka búinn að pistla um b.fjörðinn eins og b.dís og fleiri....
Svo er eru ðe zetors alveg að toppa bullið í flestum hér..
... ég ætla samt ekkert að minna á vetni núna...

tilkynning

ég vildi bara minna á vetn....... nei ég meina bloggið hennar bryndísar aka b.dísar skemmtikraftsins.. já eða bara dísu diskó... Þar eru allajafna algjörir snilldar pistlar....

....Þungur kúkur.....

assgoddi var þetta frábær snilldarsamkunda þarna í borgarfirðinum... ég skelf alveg af kátínu (kannski af einhverju öðru líka.. ekki gott að segja).
Föstudagskvöldið fór nú mest bara í það að innbyrgða áfengi í stórum skömmtum... hjá vel flestum allavega, og eru nú sjálfsagt einhverjir aðrir betur fallnir til að segja frá því heldur en undirritaður... Meira að segja mátti sjá vín á fólki, sem allajafna er bláedrú! (þetta hefur örugglega e-ð með tunglið að gera).
Laugardagurinn fór nær eingöngu í alsherjar líkamsþvott og svaml hjá kvennþjóðinni og stóð hann yfir í e-ð á 12. klukkustund..eða hér um bil.. Við karlarnir héldum okkur uppteknum við þetta venjulega þegar farið er í "sumar"-bústað.. EKKERT!.. eða þannig.. reyndar voru að sjálfssögðu gripnir nokkrir gítarar og trumbur og spilað .... og spilað.... og spilað... svo var líka spilað pictionary.. - trommarar á móti gítarhetjum, að sjálfsögu leyfðum við gígjslánunum að vinna... enda þykjum við Hin-ni kurteisir úr hófi fram.. SVO kom Gummi HSJ bassaleikari, þá breyttist ALLT.. skömmu síðar var hafist handa þar sem frá var horfið ´frá föstudagskvöldinu, við að smakka á ljúfum veigum og stóð sú smökkun e-ð fram á morgun.. það var einmitt um það leyti sem stúlkunum fannst þær orðnar nógu hreinar til að taka þátt í gleðinni með okkur, og segja baðferðum lokið... í bili a.m.k.. grill... grill... bjór og visssssgí... (landinn var skilinn eftir heima..).. svo var audda aksjónarí, kk vs. kvk (reyndar var það reynt e-ð líka á fös)... svo audda drykkjuleikir... he he he he.. ansi mikið magnað... he he he.. nú þótti kvenþjóðinnni þær vera orðnar skítugar aftur og skelltu sér í pottinn.. ásamt velflestum af okkur af sterkara kyninu.. sem þó voru óðfluga að tapa kröftum... .. meira að segja þeir sem eru "allajafna bláedrú" sáu ástæðu til að fá sér blunda í pottinum.. Þó voru aðrir, sem allajafna eru blindfullir sem þreyttust ansi mikið og var Gummi þar fremstur í flokki þar sem hann lá skælbrosandi í hornsófanum (inni í bústaðnum sko) meðvitundarlaus með öllu. Það var ekki fyrr en unnusta hans, steinunn súpergella, ætlaði e-ð að fara að tékka á honum, sem hann reis upp á hnén.. ennþá alveg brosandi allann hringinn, sneri sér við og ældi afturfyrir sófann... þannig að þið sem farið einhvertímann i bústað nr.5 ættuð að geta séð verksummerkin... Fyrr um kvöldið hafði blessuðum drengnum fundist hann heldur þungur og ákvað að losa sig við eitthvað af þessari aukaþyngd.. þó utandyra í þetta skiftið og geta sannleiksfúsir og forvitnir kíkt á verksummerkin sem eru augljós á meðan frost er úti. Einhvertímann reyndu nágrannar okkar að gerast félagslyndir í meira lagi, svo okkur þótti nóg um og sá undir hæla þeirra, undir ókvæðisorðum í þeirra garð áður en þeim tókst að nálgast húsið verulega..hehehe...

Eflaust hafa einhverjir lesið það á milli línanna að þarna hafi verið mikið drukkið... sem er reyndar hárrétt.. það var rosalega mikið drukkið, þó að magntöluskrá liggi ekki fyrir, enda er fólk ekki á einu máli um magnið. Samt eru allir á einu máli um að þetta hafi verið alveg assgoddi skemmtilegt..
Þess ber að geta að salernisferðir gengu bara alveg ljómandi vel, þessa helgina.. Helst var að menn væru í vafa um hvar sængin skildi útrbreidd..

Persónur og leikendur:

Ungir menn sem "allajafna eru bláedrú":
- Handsome sjálfur.
- Hin-ni

Ungir menn (mis-ungir þó), símapervertar, sem falla ekki undir áðurgreindan flokk:
- Angus Íón Rabbnar
- Undirritaður

Ungur maður með reynslu:
- Gvendur bassaleikari

Frillur, fylgifiskar og velgjörðarmeyjar:
- Helga kona Angusar, forstjóri og móðir
- Fý kona Djós
- B.dís frilla Hin-na og skemmtikraftur
- Trompónikka viðöngvannkennd, melódíkuleikari og fyllibytta
- Steinunn súpergella spúsa reynsluboltans

Einnig var Lára Hrund, afkvæmi Angusar og konu hans með í för, sem varð til þess að forstjórinn var ekki með nein læti að þessu sinni..


.......Þessi kúkur á að vera Þungur........

ammmli og fleira

Stórsnillingurinn Páll Björnsson frá Bassastöðum á afmæli í dag!!!! Til hamingju Paul!!

Svo er það annar snillingur, sem var að skrifa alveg stórskemmtilegann pistil á þetta blogg! Þið bara verðið að kíkja á þetta!

ÞAÐ ER AÐ KOMA AÐ ÞVÍ

jibbíjibbí jæ jæ... Það verður stuð stuð stuð.... ó sei sei já... o... sei sei jaaaaaaaaaaáá..
Núna er stundin að renna upp... sömarhúseð í svegnaskarðe... í aldeilis prýðilegum félagsskap...o sei sei já...
og hér kemur pökkunarlisti fyrir ferðalag sem þetta:

1. Bíll með viðeigandi lykli (til komast á áfangastað).
2. Feita innegn (það er enginn sparisjóðshraðbanki ðaddna)
3. Landi (mikið af honum... nógu mikið til að heiti-potturinn verði drykkjarhæfur)
4. Bjór (nógu mikið af honum svo hægt verði að stunda "bjórveiðimanninn" (sjá blogg neðar á síðunni)af kappi, lengi lengi)
5. írsst visssgí (Fyrir æriss koffíið... svo maður vakni nú einhvertímann)
6. einhverskonar visssgí (vegna fyrirhugaðs visssgídrykkjunámskeiðs)
7. klór (til að setja í pottinn þegar allur landinn er búinn og einnig til að hella yfir húsgögn o.þ.h. á sunnud.)
8. Sómasamlokur með kjúkling og eggi (2 stk. svo maður verði nú ekki svangur)
9. sólgleraugu (veit ekki til hvers...)
10. tannbursti og tannkrem (ef hemmi færi nú að stoppa mann á leiðinni heim)
11. EXTRA jórturleður (til að bjóða hemma ef hann stoppar mann)
12. Vindlingar (til að bjóða upp á)
13. Húslyklar ( til að komast inn heima hjá sér)
14. Hamar, rörtöng eða e-ð viðlíkjandi þungt áhald ( til að komast inn heima hjá sér ef liður 13 hefur orðið útundann)
15. Steini Spil eða sambærileg tónlist á geislasnældu (svo manni leiðist ekki á heimleiðinni)

oþaldénúh!!

N.Y.

Ohhhh....
Var að fá boðskort í útgáfupartý og tónleika Åsu Rydman í N.Y.... djöss mar... mig langar svooooooooo,.......

fyrir helgina..... hikk !!

ég var að grufla e-ð í drykkjuleikjasíðu og hæer eru nokkrir ansi magnaðir drykkjuleikir.....

Bjórveiðimaðurinn
Reglurnar eru svo einfaldar að full manneskja skilur þær. Allt sem þú þarft fyrir leikinn er kippa af bjór, kassi og fólk til að spila með þér.
Taktu eina bjórdós og hristu hana. Ekki að bara hrista hana, HRISTU hana! Þangað til hún er við það að springa. Settu hana svo í kassann með hinum og blandaðu þeim vel saman. (ein manneskja ekki að horfa) og blandaðu þeim aftur (önnur manneskja ekki að horfa). Í raun veit enginn hvar dósin er.
Nú velur einn leikmaður dós, heldur henni hornrétt við hausinn á sér og opnar hana. Ef þetta er ekki rétta dósin verður leikmaðurinn að drekka úr henni. Ef þetta var rétta dósin verður leikmaðurinn blautur á hausnum og þið getið byrjað upp á nýtt. Ef þetta var ekki rétta dósin reynir næsti leikmaður sig. O.s.frv.

Söguleikur
Sá sem byrjar segir 1 orð og næsti endurtekur það og bætir við öðru orði svo að það gæti verið byrjunin á setningu. Sá þriðji endurtekur bæði orðin og bætir einu við og svona gengur leikurinn, þ.e. öll orðin eru alltaf endurtekin og nýju bætt við þangað til einhver hikar og þá á hann að drekka.

Söngleikur
Einhver nefnir hljómsveit eða tónlistarmann (flytjanda) og allir eiga að byrja að syngja lag með þeim flytjanda. Sá sem er fyrstur að finna lag og syngja brot úr því fær að velja hver á að drekka.

SjónvarpsstjörnurÁhöld: Fólk, MIKILL bjór og sjónvarpsþáttur með nógu mörgum persónum fyrir alla.

Áður en leikurinn hefst á hver og einn að velja sér persónu í þættinum. Á meðan á þættinum stendur á maður svo að drekka stöðugt Á MEÐAN persónan, sem maður valdi sér, er á skjánum. Ef talað er um persónuna en hún sést ekki á að drekka einn sopa.

Trivial drykkjuleikurinn
Trivial Pursuit er spilað og alltaf þegar maður svarar vitlaust á maður að drekka og alltaf þegar maður svarar rétt á maður að láta annan drekka. Þegar maður fær köku á maður að láta annan drekka tvisvar eða að láta 2 drekka.

Teninga-strippdansÁhöld: 2 teningar, bjór og jafn fjöldi kvenna og karla.
Hver kastar báðum teningunum í einu. Þetta eru reglurnar:
Ef upp kemur:
· Jöfn tala kemur upp (samanlagt) á að drekka.
· Oddatala á að fara úr einni flík.
· 1-1= Má velja (úr einni flík eða 1 sopi).
· 2-2= Gefa manneskjunni við hliðina á þér skot.
· 3-3= Þetta er happakastið þitt, þú sleppur í þetta skiptið.
· 4-4= Einhver óheppinn lendir í “sannleikanum eða kontor”, þú máttvelja hver.
· 5-5= Happakast, þú mátt fara aftur í eina flík.
· 6-6= Kysstu manneskjuna við hliðina á þér.
Svona heldur leikurinn áfram þangað til annað hvort bjórinn eða fötin klárast.

Þessi er samt bessssstur:
1, 2, 3, DREKKA!
Fáðu fullt af vitlausu fólki til að setjast í hring og kalla: “1, 2, 3, DREKKA!!!” aftur og aftur og þá drekka allir.!!!

VIBBI!!!!

Jæja ég er líka farinn á litafyllerí....
Þetta er viðbjóður, en kannski lagast það... kannski ekki..

::::::ég fer í booooooooorgarfjörð... já fína boooooooorgarfjööööööööörð::::::::::::::

magnað..

ég vil benda ykkur á alveg magnaðar umsræður á blogginu hennar hrönnsu.
Það má enginn láta þetta framhjá sér fara..... ;-)

....mig vantar drææææveeeeerrrrr

það er svo mikið gerast um helgina að ég er í tómu basli með þetta alltsaman...
veit ekki einhver um einhvern sem er einhvernveginn ? ég veit ekki um neinn sem er ekki einhvernveginn öðruvísi en það að vera einhvernveginn einhversstaðar allt annarsstaðar...
maður ætti bara að tala við óla og dorrit... fá lánaðann dræverinn þeirra....

róóóólegt

júbb júbb... helgin var hin rólegasta í faðmi "fjölskyldunnar".. strákarnir sóttir á fös..
rosalega er næs að búa hérna á tanganum.. börnin bara úti að leika og engar áhyggjur af því að þau verði undir strætó eða e-ð...
Eyþór Alexander talaði alltaf um "vettlingana".... "pabbi... pabbi... má é taka einn vettling?"... hann var náttúrulega að tala um kettlingana.... snillingar þessi börn...

Ég vil benda ykkur "frelsis-fólki" á það að það er hægt að fylla á símana í hraðbankanum.... getur komið sér vel ;-)

lööööög

Hjer með er það kunngjört að gleðipolkakvartettinn ðe Zetors mun leika af fingrum annarrar handar fram lög á Sperrtabar, annann dag jóla næstkomandi í boði Búnaðarsambands ýsssslands, Véla og þjónustu ehf. og ðe Czecky embassy..

Eru einhverjar hugmyndir að lögum fyrir Zetorana? Þá er ég að tala um sögva og slíkt ekki LÖG...

niðurstöðurnar..

jæja.. hver er bestur? eða var bestur


schnitzell (4) 2%
m.c. svenni baker (10) 7%
hljómsveit gvöðmöndar helgasonar og fjölsk. (5) 3%
öddi málari (6) 4%
mundisirrúnar (1) 0%
kidd-di (4) 2%
stóri björn (3) 2%
dórifúsaogbet djasssaung-vari ehf. (5) 3%
ella ekki tón (2) 1%
ðe róland trökker band (13) 9%
brynja (23) 16%
ÉG!!! (6) 4%
ðe Zetors (33) 24%
sirrúndögg (18) 13%
sylvía gunnukaffis (4) 2%

Number of votes: 137.

þetta er allt svoooo frábært

mér finnst alltaf vera að styttast á milli helga... (þessi setning er til þess fallin að páll nokkur gefi komment).
það er s.s. s.k. "p.h." þessa helgina og verður því haldið sig á mottunni...
reyndar á að halda fund í "leikfélaginu" um helgina... og svo að fara á HSJ æfingu á sun.kv.

Það er alltaf að bætast í bloggarahópinn... nú er katrín REG´s komin á fullt með voða fína síðu... þó það sé eiginlega alls ekki hægt að lesa það sem stendur á henni, en það lagast örugglega....
Svo fer ég alveg að nenna að setja allt þetta fólk í linkalistann minn... bráðum... ekki núna....

ennþá meira rokk....eða þannig

það lítur út fyrir að kjuðunum verði ekki alveg sleppt í vetur....
Nú á að pródúsera samkundu til styrktar byggingu safnaðarheimilisins... svo er það söngvarakeppni grunnskólans... svo er það söngvarakeppniNN... hinni trommar það nú örugglega, en ég takka nú örugglega eitthvað þar... svo er handsome joe, schnitzell, ðe zetors um jólin, bjössatraustabandið (vantar nafn) kennslan o.fl. stuuuuuuuuuuuuuuuuð....
og ég er að tala við sjálfan mig... ræ ræ ræ ræ ræræ...

Spurningin....

Osso addlir að taka þátt í sburningu vigunnar hjér hægra meijinn...>

Svo er mundi maskína líka með getraun... já eða skoðannakönnunn HÉR

tattara...

Voðalega virðist vera mikið bilað hjá www.blogextra.com. Þó svo að kommentin séu nú orðin virk, þá kemur ekkert fram hverjir eru búnir að kommenta...allavega eftir þetta krass hjá þeim...
Þetta hlýtur að lagast.

ný blogg

jebb... alltaf bætist í hópinn....
mundi 4911 er farinn að blogga frá hvolsvelli og hrönn (ekki zetor) frá tanganum...

djö... er samt ömurlegt þegar komment-systemið virkar ekki...ohhhhh.....

*** fullt fullt af stjörnum ***

Þetta var nú falleg saga, blessuð helgin... allavega mestan partinn...ehemm..
Tónleikarnir gengu svona voðalega vel.. allavega miklu betur heldur en ég þorði nokkurtímann að vona.
t.d. var hún ella (ekki tón :-)) mætt ásamt sylvíu skúla, sem flutti m.a. frumsamið lag með hljónstinni. Einnig sðiluðu ella og "kellingin" nokkur lög... og fullt fullt... og svo náttúrulega endaði Schnitzell þetta dæmi með nokkrum vel völdum ballöðum. Annars þarf náttúrulega ekkert að vera að segja frá þessu, þar sem ég hef lúmskan grun um að allir sem lesa þetta hafi verið á staðnum....
Svo var það náttúrulega stuð og polkasveitin ðe Zetors, sem kom sá og sigraði á gunnukaffi... allavega fannst mér svo gaman að ég gat stundum varla spilað fyrir hlátri.. Eins og glöggir hafa nú sjálfssagt tekið eftir, þá höfum við aldrei spilað saman áður...eða æft... eða bara yfirleitt ekki neitt... Á efnisskránni voru flugur eins og Dú Hast í polkaútgáfu, saltkjöt og baunir- túkall í ýmsum útfærslum, Hífopp æpti karlinn, hún á afmæli í dag í 4 mismunandi hressilegum útgáfum, fjöllin hafa vakað með glæsilegri innkomu dórafúsa&bet LTD. að ógleymdum ca. 11.000 völsum... eða þar um bil.
Svo var að sjálfssögðu haldið beint í partý á hlíðarveginum og partýast langt langt fram á morgun... jaaaaaahhhhhúúú..
Reyndar var nú eitt atriði í gær engin snilld sko (og kannski reyndar fleiri...uhu), ég braut nýju fínu gleraugun mín á rosalega klaufalegan hátt.. en hva... það reddast einhvernveginn.. strákarnir í tónlistarskólanum gátu spilað það sem þeim sýndist í dag... ekki sá ég hvað þeir áttu að spila... he he he